Detaje nga Prokuroria/ Arrestohen 9 zyrtarë për mashtrim dhe keqpërdorim të pozitës

Prokuroria Themelore në Prishtinë njofton se Policia e Kosovës gjatë ditës së sotme ka arrestuar nëntë persona si të dyshuar për veprën penale ”Keqpërdorim të pozitës apo autoritetit”.

Në njoftimin nga Prokuroria e Themelore në Prishtinë thuhet se personat e arrestuar në cilësinë e personave zyrtarë so anëtar të Komisionit teknik kanë bërë pranimin e punimeve të stadiumit futbollistik në fshatin Magure Komuna e Lipjanit, të cilët i kanë shkaktuar dëme buxhetit komunal me vlerë 300 euro.

”Prokuroria Themelore në Prishtinë –Departamenti për Krime të Rënda, respektivisht Njësiti për Krime Ekonomike dhe Korrupsion, njofton opinionin publik se gjatë ditës së sotme Policia e Kosovës, ka arrestuar nëntë (9) persona, të dyshuar se kanë kryer veprën penale ‘’Keqpërdorimi i pozitës apo autoritetit’’ dhe veprën penale të ‘’Mashtrimit’’ nga neni 336 të Kodit Penal të Kosovës.Prokuroria Themelore në Prishtinë, njofton se personat e arrestuar në cilësinë e personave zyrtar, si anëtarë të Komisionit teknik kanë bërë pranimin e punimeve të stadiumit futbollistik në fshatin Magure Komuna e Lipjanit, kinse janë kryer punimet sipas kontratës së fituar nga një kompani.Po ashtu, gjatë këtij aksioni është ndaluar edhe një (1) person, përgjegjës i Kompanisë në fjalë. Ndërkaq, personat e lartcekur me këto veprime dyshohet se i kanë shkaktuar dëme buxhetit komunal në vlerë rreth treqind mijë (300.00) euro”, thuhet në njoftimin e Prokurorisë Themelore.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Komente Së Fundi