Kryeministri i Kosovës, Albin Kurti ka reaguar për sulmet ndaj Policisë së Kosovës në veri.
Në “Twitter”, shefi i ekzekutivit u shpreh se është identifikuar që sulmi i djeshëm ka ardhur nga Serbia.
“Për tri ditë radhazi (13–15 prill) policët e Kosovës janë sulmuar në pikën kufitare me Serbinë. Dje dhe sot herët, një breshër plumbash dhe një granatë dore u hodhën drejt policisë sonë. Burimet tona e kanë identifikuar sulmin e djeshëm si të ardhur nga Serbia”, shkroi Kurti.