Situata në kufirin e Jarinjes sot është e qetë dhe pa ndonjë incident.
Rruga mbetet e bllokuar nga kamionët dhe automjetet e ndryshme, ndërsa vërehet numër i vogël i protestuesve serbë, të cilët për shkak të motit me shi po qëndrojnë në tenda.
Policia e Kosovës është e pozicionuar në punkte të ndryshme përgjatë kufirit dhe po mban situatën nën kontroll.
Situatë e njëjtë po mbretëron edhe në pikën tjetër kufitare Bërnjak.
Tensionet në veri kanë nisur pas vendosjes së reciprocitetit për targat e automjeteve nga Serbia.