Stoltenberg: NATO ndërhyri në Kosovë për të ndalur mizoritë

Sekretari i Përgjithshëm i NATO-së, Jens Stoltenberg, ka folur sot në një konferencë për media në Bruksel rreth ndërhyrjes në Kosovë më 1999.

“Ne ndërhymë atje për të ndaluar mizoritë, kjo ishte çështja. Kishte luftëra të përgjakshme si në Bosnjë dhe pastaj në Kosovë, pas disa vitesh tentativash për një zgjidhje me negociata”, është shprehur Stoltenberg.

“Ishte e nevojshme që të ndërhynim, si mbështetje për të ndalur mizoritë në Kosovë, ku në atë fazë Jugosllavia veçse kishte rënë. Është ide e gabuar se shpërbërja e Jugosllavisë nisi me ndërhyrjen e NATO-s”, ka shtuar ai.

Ai këto i ka thënë duke hedhur poshtë tentativat për krahasime të ndërhyrjes në Kosovë dhe situatës aktuale Rusi-Ukrainë. Stoltenberg tha se NATO gjithmonë do të bëjë atë që duhet për t’i mbrojtur aleatët e saj.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Komente Së Fundi