Dyshohet se Komuna e Ferizajt keqpërdori paratë për qentë endacakë

Organizata Jo Qeveritare “Fondacioni për të Drejtat e Kafshëve” të enjten do të organizojë protestë kundër zhdukjes së qenve.

Protesta do të mbahet në orën 12:00 para komunës së Ferizajt.“Komuna Ferizaj ka ndarë 89.000 euro për t’i trajtuar 1 mijë e 300 qen endacakë vetëm në vitin 2021, që sipas legjislacionit në fuqi do të duhej të trajtoheshin me metodën KSVL”.

Fondacioni për të drejtat e kafshëve ka ngritur dyshime të mëdha për komunen e Ferizajt ku ata dyshojnë se parat të cilat ishin supozuat për ti mbrojtur qenët endacak janë keqpërdoruar dhe nuk janë aplikuar ato para për qenët endacak.

Dyshimet shkojnë edhe më tej kundrejt komunës së Ferizajit se ata qenët ose janë vrarë ose janë lëshuar në një vend tjetër shumë larg vendeve ku janë kapur.

Elza Ramadani nga Fondacioni për të Drejtat e Kafshëve, ka thënë për Insajderin se që nga 2017-2021 janë shpenzuar diku rreth 158,818.00 euro kinse për trajtimin e qenve endacak por raportet e mangëta të punës se veterinereve, na jepin dyshime qe qentë masivisht janë vrare kurse veterineret janë pasuru.

“Nga 2017-2021 janë shpenzuar diku rreth 158,818.00 euro kinse për trajtimin e qenve endacak por raportet e mangëta te punës se veterinereve, na jepin dyshime qe qentë masivisht janë vrare kurse veterineret janë pasuru”.

“Ne kemi kërkuar të gjitha raportet monitoruese dhe të trajtimit të qenve nga Komuna Ferizaj, Shtërpce, Kaçanik dhe Shtime, pasi që të njëjtat subjekteve veterinare kishin qenë të kontraktuara nga këto komuna. Komuna Ferizaj ka pranuar shkresat tona por nuk ka kthyer asnjë përgjigje” u shpreh Ramadani për Insajderin.

Njoftimi i plotë:

PROTESTË KUNDËR ZHDUKJES SË QENVE NË RAJONIN E FERIZAJ,

ME DATËN 24 SHKURT 2022, NË ORËN 12:00, PARA KOMUNËS SË FERIZAJ

OJQ Fondacioni për të Drejtat e Kafshëve organizon një protestë kundër zhdukjes së qenve endacakë në Rajonin e Ferizaj (Shtërpcë, Kaçanik, Shtime, Ferizaj).

Komuna Ferizaj ka ndarë 89.000 euro për t’i trajtuar 1 mijë e 300 qen endacakë vetëm në vitin 2021, që sipas legjislacionit në fuqi do të duhej të trajtoheshin me metodën KSVL.

Qysh në fillim të këtij projekti, organizata jonë i është drejtuar Drejtorisë së Bujqësisë në Komunën e Ferizaj që të bashkëpunohet për monitorim të mirëfilltë të projektit. Komuna nuk ka pranuar bashkëpunimin me organizatën tonë dhe ka refuzuar kërkesën tonë për monitorim. Qysh në fillim të këtij projekti, kemi pranuar po ashtu nga aktivistë të shumtë në rajonin e Ferizaj, që qentë për të cilët ata kujdeseshin cdo ditë, po zhdukeshin dhe nuk ktheheshin më. Këtu lind dyshimi që qentë ose janë vrarë ose janë lëshuar në një vend tjetër shumë larg vendeve ku janë kapur. Që të dyja këto dyshime paraqesin veprime të kundërligjshme dhe këtë pikërisht dëshirojmë të kuptojmë nga Komuna e Ferizaj me anë të kësaj proteste.

Duke u bazuar në dyshimet tona dhe të shumë aktivistëve në rajonin e Ferizaj, ne kemi kërkuar të gjitha raportet monitoruese dhe të trajtimit të qenve nga Komuna Ferizaj, Shtërpce, Kaçanik dhe Shtime, pasi që të njejtat subjekteve veterinare kishin qenë të kontraktuara nga këto komuna. Komuna Ferizaj ka pranuar shkresat tona por nuk ka kthyer asnjë përgjigje dhe nuk ka dërguar të dhënat e kërkuara nga ne ashtu siç parashihet me Ligjin 06/L-081 – për Qasje në Dokumente Publike, përveç kontratës së projektit. Komunat e tjera, kanë dorëzuar kontratat dhe raportet por gjithsesi ka shumë mangësi edhe në ato raporte dhe lënë vend për dyshime shtesë të vrasjes masive të qenve.

Organizata jonë ka nisur edhe procedurat ligjore sa i përket dyshimeve për keqtrajtim të kafshëve, dhënies së ndihmës veterinare në mënyrë të pa ndërgjegjshme dhe keqpërdorimit të pozitës zyrtare nga zyrtarët e komunave në fjalë.

Nga periudha 2017 deri 2021 janë raportuar nga komunat e sipercakura që janë trajtuar rreth 3 mijë e 277 qen në rajonin e Ferizaj dhe për këta qen dhe për fondet publike të shpenzuara, të gjithë akterët e përfshirë në këto projekte duhet të japin llogari. Ku janë 3 mijë e 277 qen dhe si janë shpenzuar në total 158 mijë e 818 euro të qytetarëve të vendit tonë?

I ftojmë të gjithë qytetarët e rajonit të Ferizaj që të na bashkohen në këtë aksion në mënyrë që të kërkojmë llogaridhënie nga Komuna për qentë e zhdukur dhe të parandalojmë projektet dyshuese dhe të keq menaxhuara në të ardhmen, të cilat po ashtu mund të shkaktojnë shumë vuajtje për qentë dhe komunitetin.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Komente Së Fundi