Hën. Maj 27th, 2024

Këta janë 7 zyrtarët e arrestuar në kompaninë “Ambienti” në Pejë

By Rtv Arbëria Mar16,2023

IndeksOnline ka siguruar emrat e 7 zyrtarëve të kompanisë së pastrimit “Ambienti” në Pejë, që janë arrestuar sot nga Njësiti Kundër Krimeve Ekonomike.

Personat e ndaluar janë:
Diedon Berisha, Kryeshef aktual
Armend Jupa
Arton Muhaxheri, Kryetar i Bordi
Shpetim Gashi, Anëtar Bordi
Fisnik Ademi, Anëtar Bordi
Idriz Bala Anëtar Bordi dhe
Nexhat Abdullahu, ish-Kryeshef.

Mëngjesin e sotëm Prokuroria Themelore e Pejës në bashkëpunim me Policinë e Kosovës, përkatësisht Njësitin kundër krimeve ekonomike kanë ndërmarrë aksion në kompaninë e pastrimit “Ambienti” në Pejë.

Për këtë rast është deklaruar edhe ministri i Punëve të Brendshme, Xhelal Sveçla.

Në një shkrim në Facebook ai ka thënë se epoka e tolerimit të të keqpërdorimit të detyrës zyrtare dhe pasurimit në kurriz të qytetarëve ka përfunduar.

“Njësiti policor kundër krimeve ekonomike sot ka zhvilluar operacion në Kompaninë e Pastrimit “Ambienti” në Pejë. Bordi i kësaj ndërmarrje publike dhe zyrtarë të tjerë janë subjekt i hetimit për keqpërdorim të detyrës zyrtare dhe si çdo kush tjetër, do të japin llogari para drejtësisë për çdo keqpërdorim dhe dëm të shkaktuar”, ka shkruar ndër të tjera Sveçla.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *