Mar. Shk 27th, 2024

Kosova ndihmon Kukësin për shuarjen e zjarreve

By Rtv Arbëria Gus 9, 2021

Ministri i Mbrojtjes, Armend Mehaj, ka thënë se Kosova është e gatshme për ta ndihmuar Shqipërinë dhe Greqinë për shuarjen e zjarreve.

Përmes dy postimeve në rrjetin social Tëitter, Mehaj thotë se Ministria e Mbrojtjes dhe ushtria janë gati në çdo kohë për të lehtësuar zjarret.

“Flamuri i Kosovës qëndron me ju dhe do të mbështesë përgjithmonë Flamurin e Shqipërisë”, ka shkruar Mehaj.

Tutje, ai ka thënë se shteti i Kosovës është në gatishmëri për të ndihmuar turistët e bllokuar dhe banorët e Greqisë për shkak të zjarreve që janë përhapur në gjithë vendin.

Kurse mediat në Shqipëri kanë shkruar se kreu i Bashkisë së Kukësit, Safet Gjici ka kërkuar ndihmë nga autoritetet e Kosovës pasi situata duket kritike.

Bëhet me dije se shërbimeve zjarrfikëse në Kukës, u janë bashkuar 100 forca nga Kosova, prej të cilëve 50 do të operojnë tek zona e quajtur Laku i Thive dhe 50 do të ndërhyjnë tej Qafa e Kumbullës.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *