Mër. Qer 19th, 2024

A po fillojnë përçarjet në PDK!?/ Ramiz Lladrovci del hapur kundër Enver Hoxhajt

By Rtv Arbëria Kor1,2021

Partia Demokratike e Kosovës (PDK) me datën 3 korrik pritet të mbajë Konventen për zgjedhjet e brendshme partiake.

Vetëm dy ditë para mbajtjes së Konventës, kryetari i komunës së Drenasit, Ramiz Lladrovci ka dal hapur kundër kandidimit të Enver Hoxhajt për kryetar të ardhshëm, ndonëse një gjë të tillë nuk e ka konfirmuar Hoxhaj.

Lladrovci vlerëson së vetëm kandidatura e z. Krasniqi do t’i plotësonte të pathënat e ditura, për PDK të fortë, unike dhe të qëndrueshme.

“Duke qenë se z. Memli Krasniqi e ka publikuar kandidaturën para jush, dalja juaj me kandidaturën e dytë, nuk mendoj se i sjell as unitet, as plotësim të pritjeve dhe mesazheve të anëtarësisë së gjerë, madje as qëllimit të liderëve tanë që kanë dëshmuar altruizëm dhe vetë sakrifikim për qëllime më madhore”, shkroi Lladrovci në Facebook, përcjell “Bota sot”.

Postimi i plotë

Miku im Enver,

Meqenëse koha për kandidatura po rrjedh, megjithatë, po e them mendimin tim për situatën. Jemi para një dite të rëndësishme për PDK-në, anëtarësinë e gjerë, kryesinë dhe qytetarët e vendit, por edhe për themeluesit e këtij subjekti politik. Jemi para ditës së Konventës e cila mund të jetë me unitetit të plotë dhe më pak unitet.

Gjithsesi, para kësaj dite të jashtëzakonshme, gjendeni edhe Ju, si intelektual, si qytetar dhe drejtues i PDK-së, dhe si ushtrues detyre i Kryetarit të PDK-së. Andaj, po të drejtohem me këtë opinion, për këtë ditë.

Ju keni pasur përgjegjësinë dhe peshën më të rëndë kur keni marrë përsipër ta udhëhiqni një subjekt me trashëgiminë që asnjë subjekt nuk e ka në Kosovë. Asnjë subjekt politik në Kosovë nuk mund të lavdërohet me vlerat dhe veprat e mira për Republikën e Kosovës. Kjo përgjegjësi nuk ishte e lehtë. Të lumtë.

Gara në Konventën e jashtëzakonshme, mund të sjell reflektime përtej qëllimit të mirë të saj, anëtarësisë dhe delegatëve për fuqizimin e PDK-së. Mendoj se beteja për kandidatura, për kohën dhe momentin tejet të ndjeshëm kur dy liderët tanë janë padrejtësisht në Hagë, nuk i bëjnë mirë as PDK-së, as kandidaturave.

Duke qenë se z. Memli Krasniqi e ka publikuar kandidaturën para jush, dalja juaj me kandidaturën e dytë, nuk mendoj se i sjell as unitet, as plotësim të pritjeve dhe mesazheve të anëtarësisë së gjerë, madje as qëllimit të liderëve tanë që kanë dëshmuar altruizëm dhe vetë sakrifikim për qëllime më madhore.

Motivi i kësaj letre, jo vetëm që është tepër miqësor dhe i sinqertë, por, e konsideroj edhe si vijim i rrugës së përkushtimit të përbashkët, në funksion të unitetit, harmonisë, sepse, gara në këtë kohë, nuk është e shëndetshme. Këtë garë do ta quaja luks të tepruar dhe të gabueshëm, andaj, edhe konsideroj se vetëm kandidatura e z. Krasniqi do t’i plotësonte të pathënat e ditura, për PDK të fortë, unike dhe të qëndrueshme.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *