I dërguari i ri për Ballkanin perëndimor i presidentit amerikan Joe Biden, do të jetë zëvendës-ambasadori i ShBA-ve në Beograd dhe diplomati i karrierës, Gabierl Escobar, shkruan gazeta “Pobjeda” nga Podgorica duke u thirr në burime të paemëruar nga Uashingtoni dhe Beogradi, transmetojnë “Kosovo-online” dhe “Bota Sot”.
Sipas kësaj gazete, Escobar do të zëvendësoj të dërguarin e deritashëm Mathew Palmer në dhjetëditëshin e parë të shtatorit dhe më pas marrjes së detyrës do nis vizitat në regjion, së pari në vendet anëtare të NATO-së.
Sipas informatave nga analistët në Uashington, emërimi i Escobar është tregues se Shtëpia e Bardhë nën komandën e Biden “ka vendosur për rol aktiv edhe energjik në hapësirën e Ballkanit “.
“Ai është njeri që kryen detyra të besuara dhe gjen zgjidhje, nganjëherë duke i imponuar ato me diplomaci” ka thënë një burim amerikan për “Pobjeda”.
Aktualisht Escobar është zëvendës-ambasador i ShBA-ve në Serbi dhe njihet si njohës i mirë rrethanave në Ballkan, pasi ai ishte shumë aktiv në këto hapësira në periudhën nga 1998-2001.
Para se të emërohet si diplomat në Serbi, Escobar ka pasur një nga funksionet më të rëndësishme në ambasadën amerikane ne Irak.