Mar. Shk 27th, 2024

Sami Lushtaku: Së shpejti zyrtarizohet kandidatura ime për kryetar të Skenderajt

By Rtv Arbëria Qer 26, 2021

Kryetari i Degës së Partisë Demokratike të Kosovës në Skenderaj, Sami Lushtaku, ka thënë që së shpejti do të zyrtarizohet kandidatura e tij për kryetar të Skenderajt.

Lushtaku ka pohuar se sot ka takuar strukturat e degës së PDK-së në Skenderaj, ku ka bashkëbiseduar për zhvillimet politike në nivel qendror dhe lokal.

“Uniteti brenda strukturave tona është shumë i madh i cili do të ketë si rezultat ngritjen e fuqishme të PDK-së në nivel vendi. Strukturat e degës së PDK-së në Skenderaj ofruan mbështetje të plotë për kandidaturën time për kryetar të komunës së Skenderajt, e cila do të zyrtarizohet së shpejti”, thotë ai.

Tutje, ai ka theksuar se “bashkërisht do të hartojmë edhe listën për asamble komunale e cila do të jetë e mbushur me kuadro profesioniste nga të gjitha fushat”.

Zgjedhjet lokale do të mbahen më 17 tetor të këtij viti.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *