Hën. Qer 17th, 2024

Murtezaj: Qeveria Kurti s’dha detaje lidhur me planin franko-gjerman

By Rtv Arbëria Tet17,2022

Profesori i diplomacisë, Valon Murtezaj, ka përjashtuar mundësinë që Franca dhe Gjermania e kanë lëshuar një dokument të përbashkët për ta zgjidhur çështjen ndërmjet Kosovës dhe Serbisë.

Ai ka thënë se dokumenti i cili po qarkullon nëpër media përbën shumë paqartësi përbrenda dhe si i tillë nuk mund të lëshohet nga shtetet në fjalë.

“E kuptoj që një dozë e konfidencialitetit duhet të ekzistojë, mirëpo pala e Serbisë është duke abuzuar me këtë dokument të pretenduar. Ajo po thotë që unë nuk pranon dhe po e eliminon potencialin për ta njohur pavarësinë e Kosovës”, tha ai në Klan Kosova.

Ai po ashtu ka thënë se është problematike sjellja e Qeverisë së Kosovës, pasi që sipas tij nuk janë dhënë detaje sa i përket propozimit nga Franca dhe Gjermania.

“Është çështje problematike sjellja e Qeverisë së Kosovës sepse asnjëherë – përveç një deklarate që kemi pasur disa propozime nga Franca dhe Gjermania – asgjë më shumë ne nuk kemi dëgjuar nga protagonistët e qeverisë, as nga kryeministri Albin Kurti apo nga njerëzit tjerë që merren me politikën e jashtme”.

“Kjo e krijon një konfuzion në mesin e publikut të gjerë dhe në momentin që kemi të bëjmë me Serbinë, ne shqiptarët e Kosovës ende i kemi të freskëta sjelljet e Serbisë gjatë dhe pas luftës”.

“Duhet të ketë më shumë transparencë dhe në fund të fundit, qeveria është e angazhuar për të mbrojtur interesat e Kosovë”.

“Çdo lloj propozimi duhet të merret me seriozitet, të pranohen gjërat që duhen pranuar dhe të mos pranohen ato që nuk duhet pranuar”.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *