Ministria e Industrisë, Ndërmarrësisë dhe Tregtisë ka dal me një njoftim të fundit sa i përket rastit ‘Klan Kosova’.
Kjo ministri në faqen e saj zyrtare në Facebook publikoi disa dokumentacione, në bazë të së cilave konstatoi se se vendimi i shkallës së pare për Klan Kosovën ishte i drejtë dhe në përputhje të plotë me ligjet në fuqi në Republikën e Kosovës
“Çdo palë në procedurë gëzon të drejtën e ankimimit ndaj vendimeve të ARBK-së.
closevolume_off
Mirëpo, shkeljet e Kushtetutës nuk mund të konsiderohen kurrë si çështje “teknike””, thuhej ndër të tjera në njoftimin e MINT, përcjell “Bota sot”.
Njoftimi i plotë
Për hir të sqarimit të opinionit publik, Ministria e Industrisë, Ndërmarrësisë dhe Tregtisë njofton se:
Komisioni për Shqyrtimin e Ankesave për Regjistrimin e Bizneseve, pas verifikimit të të gjithë dokumentacionit në dispozicion për Klan Kosovën Sh.P.K., ka konstatuar se vendimi i shkallës së parë ishte i drejtë dhe në përputhje të plotë me ligjet në fuqi në Republikën e Kosovës. Kjo, pasi që Komisioni ka siguruar dokumentacionin aktual nga institucioni përkatës në Maqedoninë e Veriut, për “Pronarët e Vërtetë të Subjektit”, në të cilin dokumentacion ka gjetur se Kosova paraqitet përsëri si pjesë e Serbisë.
Në bazë të këtij dokumentacioni, i cili gjendet më poshtë (shih f. 1 dhe 3), Komisioni ka refuzuar ankesën e parashtruar nga pala në procedurë, duke konfirmuar të njëjtën shkelje të Kushtetutës që e ka konstatuar ARBK në shkallën e parë.
Çdo palë në procedurë gëzon të drejtën e ankimimit ndaj vendimeve të ARBK-së. Mirëpo, shkeljet e Kushtetutës nuk mund të konsiderohen kurrë si çështje “teknike”.
