residentja e Kosovës, Vjosa Osmani, ka reaguar pas atentatit të sotëm ndaj kryeministrit të Sllovakisë, Robert Fico. Ajo i uroi shërim të shpejtë Ficos përmes një reagimi në platformën ‘X’.
“Ne i dënojmë fuqishëm këto veprime të dhunshme që i kërcënojnë vlerat evropiane”, ka shkruar tutje Osmani.
Ministria e Brendshme sllovake konfirmoi të mërkurën se ka ndodhur një atentat për vrasjen e kryeministrit të Sllovakisë, Robert Fico.
Autoritetet sllovake thanë se Fico është në rrezik për jetë si pasojë e plagëve, dhe se ai u dërgua me helikopter në spitalin e qytetit Banska Bistrica.