Hën. Mar 4th, 2024

Konfiskimi i pasurisë, ky është lajmi i fundit nga Ministria e Drejtësisë

By Rtv Arbëria Gus 5, 2021

Zëvendësministri i Ministrisë së Drejtësisë, Blerim Sallahu ka njoftuar se sot e kanë përfunduar draftin e parë të Projektligjit për Konfiskim të Pasurisë së Fituar në Mënyrë të Pajustifikueshme.

Këtë e ka bërë të ditur në një postim në Facebook. Më tej, ai ka thënë se shantazhet dhe kërcënimet e janë infuzion për të ecur edhe më shpejt në realizim të objektivave.

“Këtë draftligj po e procedojmë tutje tek 5 ekspertë të përzgjedhur ndërkombëtarë, të cilët me përvojën e dijen e tyre perëndimore, sipas nevojës do ta plotësojnë e harmonizojnë atë me praktikat dhe standardet më të mira evropiane. Pas shqyrtimit nga ekspertët, këtij Projektligji do t’i japim dritën e gjelbër në grupin e gjerë punues, duke i iniciuar procedurat për t’ia dërguar Qeverisë dhe më pas Kuvendit”, ka shkruar ai në Facebook.

Postimi i plotë:

Pas disa muajsh pune me plot përkushtim e seriozitet, me diskutime të gjera e analiza të gjata, sot e përfunduam draftin e parë të Projektligjit për Konfiskim të Pasurisë së Fituar në Mënyrë të Pajustifikueshme.

Këtë draftligj po e procedojmë tutje tek 5 ekspertë të përzgjedhur ndërkombëtarë, të cilët me përvojën e dijen e tyre perëndimore, sipas nevojës do ta plotësojnë e harmonizojnë atë me praktikat dhe standardet më të mira evropiane. Pas shqyrtimit nga ekspertët, këtij Projektligji do t’i japim dritën e gjelbër në grupin e gjerë punues, duke i iniciuar procedurat për t’ia dërguar Qeverisë dhe më pas Kuvendit.

Ky do të jetë ndër ligjet më të rëndësishme të agjendës sonë legjislative sepse shteti e qytetarët tanë kanë lënguar nga mungesa e drejtësisë. Tani e tutje nuk do të jetë më njësoj!

Shantazhet dhe kërcënimet e atyre që nuk e duan drejtësinë nuk mund të na trembin përkundrazi ato janë infuzion për ne për të ecur edhe më shpejt në realizim të objektivave tona.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *