Hajnat kanë thyer dhe kanë vjedhur një televizor dhe disa gjësende të tjera në stadiumin “Riza Lushta” në mbrëmjen ndërmjet 28 dhe 29 nëntorit.
Lajmin e ka bërë të ditur faqja zyrtare e klubit KF Trepça 89’ e cila ka kërkuar nga policia e Kosovës që të bëjë patrullime më të shpeshta në mënyrë që të parandalohet kjo dukuri, transmeton KosovaPress.
Ky është njoftimi i plotë i lëshuar nga KF Trepça 89’
Stadiumi Riza Lushta cak i hajnave.
Në mbrëmjen ndërmjet 28 dhe 29 Nëntorit thyhen dyert e stadiumit dhe hajnat depërtojnë në zyrën e sekretarit dhe nga aty vjedhin një televizor dhe disa gjësende të imta.
Lusim organet e rendit që të shpeshtojnë patrullimin rreth objektit të Stadiumit ku siq dihet fatkeqësisht në murin e pjesës Lindore të Stadiumit janë disa vrima ku prej aty edhe po depërtojnë keqbërësit.
Lutemi që ky të jetë rasti i fundit se sië dimë edhe para dy viteve pati ndodhur i njëjti rast kur janë thyer zyret dhe janë vjedhur disa gjera që kanë të bëjnë me Dokumentacionin Administrativ të klubit.