Hën. Mar 4th, 2024

Hoxha: Rikthimi i fuqishëm politik i PDK-së, do të varet shumë nga Konventa e 3 korrikut

By Rtv Arbëria Qer 26, 2021

Kryetar i Degës së Partisë Demokratike të Kosovës në Drenas, Sejdi Hoxha ka thënë se rikthimi i fuqishëm politik i PDK-së, do të varet shumë nga Konventa e 3 korrikut.

Hoxha përmes një postimi në Facebook, thotë se aq sa është e rëndësishme zgjedhja e kryetarit, po aq është e rëndësishme se kush do të jenë nënkryetarët.

“Sa është e rëndësishme se kush do të zgjidhët Kryetar i Partisë, është po aq e rëndësishme se kush do të jenë nënkryetarët, anëtaret e kryesisë dhe lidershipi që do ta udhëheq partinë. Ndërtimi i ekipit politik ka rëndësi të madhe prandaj në lidershipin e partisë duhet te përfshihen njerëz të moshave, gjinive dhe profesioneve të ndryshme, të rajoneve të ndryshme te cilët kanë të kaluar të ndritur”, thotë Hoxha.

Tutje, ai ka thënë se ” lidershipi i partisë i cili derivon nga konventa e 3 korrikut duhet te jetë ekipi më i mirë politik, krahasuar me të gjitha partitë tjera politike në Kosovë, nëse PDK mund ta ndërtojë një ekip të tillë atëherë e ka të sigurt rikthimin e shpejtë si parti e parë politike në vend”.

“Asnjë parti politike nuk ka në gjirin e saj ekspert më të mirë se PDK-ja, por varet nga ne se sa mund të ju krijojmë hapësirë dhe sa mund t’i mobilizojmë ata. Me shpresë për 3 korrikun”, deklaron Hoxha.

Ndryshe, si kandidatë të mundshëm për kryetar janë përmendur: Enver Hoxhaj, Memli Krasniqi, Vlora Çitaku dhe Bedri Hamza.

Telegrafi ka provuar të marrë konfirmimin për kandidim nga të lartë përmendurit, por që të njëjtit nuk janë përgjigjur.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *