Kryetari i Komunës së Prishtinës, Përparim Rama, ka reaguar pas kaosit që u shkaktua në kryeqytet, me rastin e testimit të unazës së brendshme të kryeqytetit.
Rama ka deklaruar se qytetarët janë informuar lidhur me këtë testim qysh më 26 tetor.
“E kuptoj plotësisht frustrimin e shumë qytetarëve rreth këtij testimi. Unë dhe stafi përgjegjës i Komunës së Prishtinës bashkëndjejmë me ju. Pavarësisht këtij frustrimi të shprehur, ju falendëroj përzemërsisht për durimin që treguat sot” deklaroi Rama.
Tutje, kryetari i Kryeqytetit tha se gjatë ditës janë identifikuar e fytave të ngushta dhe njëkohësisht kanë pranuar mesazhe me propozime e rekomandime që i ofrojnë Prishtinës zgjidhje për komunikacionin e ngarkuar.