Kryetarja e Preshevës, Ardita Sinani ka ftuar të gjithë qytetarët të dalin dhe të votojnë.
“Në vazhdën e diskriminimit dhe shtypjes shtetërore, të shoqëruar tashmë edhe me politikat e pasivizimit, duhet të jemi çdo herë e më shumë aktiv” ka shkruar Sinani në Facebook
Ajo ka shtuar se sot është dita për aktivizim, për deputetë cilësorë dhe për zgjedhur ata që do të përfaqësojnë zërin e qytetarëve në parlament.
Ky është shkrimi i plotë i saj:
Aktivizim kundër pasivizimit.
Sot është dita.
Dita kur si qytetar zgjedhim ata dhe ato që do të flasin dhe veprojnë në emrin tonë në parlament.
Në vazhdën e diskriminimit dhe shtypjes shtetërore, të shoqëruar tashmë edhe me politikat e pasivizimit, duhet të jemi çdo herë e më shumë aktiv.
Për deputet e deputete cilësorë dhe të rreshtuar drejt.
Që janë përherë në koalicion me shqiptarët. Me interesin e përgjithshëm.
Votoni.