Tre persona kanë kërkuar ndihmë mjekësore pas një aksidenti në rrugën “Enver Maloku” në Prishtinë.
Rastin për Indeksonline e ka konfirmuar zëdhënësi i Policisë për Rajonin e Prishtinës, Agron Borovci.
Ai tha se në aksident ishin të përfshira tri automjete, teksa njësitet policore po hetojnë rastin.
“Sot rreth orës 16:40, në rrugën “Enver Maloku” në Prishtinë, është raportuar për një aksident rrugor në mes të tri automjeteve.
Bazuar në të dhënat fillestare nga vendi i ngjarjes, si pasojë e këtij aksidentit, ndihmë mjekësore kanë kërkuar tre persona.
Njësia policore e trafikut ka dalë në vendin e ngjarjes dhe ka nisur një hetim lidhur me shkaqet që kanë sjellë deri te ky aksident“, u shpreh Borovci