Hën. Mar 4th, 2024

Reagon presidentja për rastin tragjik të 18 vjeçares, ka këtë thirrje

By Rtv Arbëria Gus 23, 2021

Presidentja e vendit, Vjosa Osmani ka reaguar në lidhje me rastin tragjik të 18 vjeçares nga Ferziaji.

Osmani shprehet që nuk duhet të heshtim ndaj këtij rasti pasi dita ditës po rriten rastet e dhunës ndaj femrave, përcjell “Bota sot”.

Ajo bënë thirrje që çdo qytetarë të bashkëpunoj me organet e rendit dhe ligjit për të gjetur vrasësin e viktimës.

Në fund presidentja ngushëllon familjarër, miqtë dhe gjithë shoqërinë e vajzës.

Shkrimi i plotë:

Për vajzën 18- vjeçare që e vranë në Ferizaj duhet të ketë drejtësi. Vetëm drejtësia e dënimi për ata që po i kryejnë këto krime makabre ndaj grave e vajzave të Kosovës mund të ndryshojë situatën e trishtë të pabarazisë me të cilën përballemi sot në Kosovë.

Ne nuk mund të heshtim apo të vazhdojmë të lejojmë trajtimin e këtyre rasteve si çështje familjare. Jemi dëshmitarë të vrasjeve si rezultat i shmangies nga ligji të dhunuesve, ndaj kjo situatë duhet të marrë fund. Si Presidente e vendit i bëjë thirrje secilit qytetar që të bashkëpunojë me organet e rendit dhe ligjit në gjetjen e vrasësit të viktimës nga Ferizaji. U bëjë thirrje të gjitha institucioneve përgjegjëse që të punojnë fort dhe pandërprerë derisa kryesit e veprave të tilla të gjenden prapa grilave.

Dhuna ndaj vajzave e grave kërcënon paqen për të gjithë dhe mirëqenien e përgjithshme, por shoqëria jonë duhet të jetë e palëkundur dhe e vendosur në eliminimin e të gjitha formave të diskriminimit e dhunës ndaj vajzave e grave.

Familjarëve, miqve dhe gjithë shoqërisë së vajzës së ndjerë u shprehu ngushëllime të sinqerta! Shpirti i saj do të pushojë në paqe atëherë kur të ketë drejtësi. Drejtësinë ua kemi borxh secilës vajze e gruaje që përjetoi dhunën nga ata që po marrin jetë e po i ikin përgjegjësisë.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *