Rrjeti i Grave të Kosovës (RrGK) ka mirëpritur dhe falënderuar Lidhjen Demokratike të Kosovës (LDK) për dërgimin e Rezolutës për parandalimin e veprave penale; ngacmim dhe integritet seksual në Kuvendin e Republikës së Kosovës.
“Rastet e dhunës me bazë gjinore duhet të trajtohen me prioritet dhe seriozitet të plotë nga institucionet e drejtësisë andaj RrGK mirëpret iniciativat e tilla, të cilat ndihmojnë dhe lehtësojnë proceset nëpër të cilat gratë dhe vajzat kalojnë kur raportojnë dhunën me bazë gjinore, gjegjësisht dhunën seksuale”, thuhet në njoftimin e tyre.