Die. Kor 21st, 2024

ShBA dhuron 350 milionë dollarë ndihmë ushtarake për Ukrainën

By Rtv Arbëria Shk26,2022

Një zyrtar nga administrata e Presidentit të ShBA-së thotë se ndihma e sapoautorizuar ushtarake deri në 350 milionë dollarë nga furnizimet e Departamentit të Mbrojtjes së ShBA-së do të përfshijë sisteme anti-blindash dhe kundërajrore, armë të vogla dhe municione të kalibrave të ndryshëm, trupa të blinduar dhe pajisje të ngjashme, në mbështetje të mbrojtësve të vijës së parë të Ukrainës që përballen me sulmin e paprovokuar të Rusisë.

“Shtetet e Bashkuara dhe aleatët dhe partnerët e tyre po qëndrojnë së bashku për të përshpejtuar ndihmën e sigurisë për Ukrainën,” tha zyrtari, shkruan CNN.

“Ne jemi duke përdorur të gjitha mjetet e disponueshme të bashkëpunimit të sigurisë në mbështetje të popullit ukrainas në kohën e tyre të nevojës, ndërsa ata mbrohen kundër agresionit rus” shtoi ai.

Siç ka raportuar CNN, Presidenti Biden udhëzoi Sekretarin e Shtetit, Antony Blinken, të lirojë deri në 350 milionë dollarë në mbështetje të menjëhershme për mbrojtjen e Ukrainës, sipas një memorandumi të lëshuar nga Shtëpia e Bardhë të premten.

Related Post

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *